Hverju Auroracoin veski er hægt að læsa með lykilorði (encrypt). Þetta  lokar í raun á allar millifærslur úr veskjunum nema viðkomandi viti lykilorðið. Ef einhver kemst yfir tölvu eða snjallsíma Auroracoin eiganda getur viðkomandi ekki millifært af reikningum vegna lykilorðsins.

 

Hægt er að taka afrit (backup) af hverju veski og geyma t.d. á USB drifi, senda afrit af veski í tölvupósti eða geyma það í vefhýsingu. Afrit af veski þýðir að ef tölvu eða síma er stolið, tapast eða bilar er hreinlega hægt að kaupa nýtt tæki og endurheimta Auroracoin veskið með afritinu (backup-inu) með öllum Auroracoin einingunum ósnertum. NB. nauðsynlegt er að læsa veskjum með lykilorði (encrypt) áður en afrit (backup) er vistað..

 

Ef eigendur Auroracoin vantreysta stafrænu öryggi er líka hægt að taka Auroracoin af internetinu og prenta út á pappírsveski (paper wallet). Auðvelt er að geyma pappírsveski í bankahólfum eða undir koddanum eða ljósrita þau og geyma bæði í bankahólfi og undir koddanum.

 

Helstu hættur sem nýjir notendur gætu lent í er að senda Auroracoin á vitlaust reikningsnúmer, þar sem ekki er hægt að snúa millifærslunni við. Það er ekki hægt að hringja í neinn til að tilkynna um mistök eða eitthvað svindl. Einstaklingar eru sjálfir fullkomlega ábyrgir fyrir öllum viðskiptum eins og ef um peningaseðla væri að ræða.

 

Til að koma í veg fyrir millifærslur á vitlausa reikninga búa flest veski yfir svokölluðum QR kóða, sem hægt er að taka mynd af með snjallsímum og við það kemur reikningsnúmer viðtakanda upp í veski viðkomandi. Einnig er alltaf hægt að nota copy/paste þegar einhver sendir reikningsnúmer gegnum tölvupóst eða aðra stafræna miðla. Þó ber að treysta ekki tölvupósti sem ekki er sannvottaður (signed) þar sem óprúttnir milli-aðilar (Man in the middle attack) gætu skipt út upphaflegu reitkningsnúmeri fyrir annað. Sama gildir um ástæður þess að senda ekki kreditkortanúmer í pósti, eða treysta í blindni á venjulegar bankareikningsupplýsingar sem sendar eru með tölvupósti sem ekki er hægt að sannvotta á einhvern hátt. Tölvupóstur og samskiptamiðlar eru ekki öruggir.

Comments are closed.