Af öllum löndum þá hentar upptaka netgjaldmiðla sérstaklega vel á Íslandi. Helstu forsendur fyrir upptöku myntar eins og Auroracoin felast í því að íslenska þjóðin á ónýtan gjaldmiðil. Íslenska krónan hefur fallið um ~95% gagnvart dönsku krónunni frá því krónan var klofin fá þeirri dönsku árið 1924. Íslendinar þekkja það af biturri reynslu að hver kynslóð missir allt sitt tvistar til þrisvar á lífsleiðinni vegna óðaverðbólgu og gengisfellingar íslensku krónunnar. Íslendingar treysta á stjórnmálamenn og Seðlabankann til að halda aftur af verðbólgunni en ekki hefur tekist vel til. Seðlabankinn hefur ríkar heimildir og vald til afskipta af krónunni, t.d. með stýrivöxtum, bindiskyldu og gjaldeyrisinngripum en allt án árangurs. Stýring Seðlabankans á hagkerfinu hefur oft frá stofnun hans stefnt heimilum og fyrirtækjum landsins í stórkostlegan háska. Íslendingar þekkja vel háa stýrivexti, háa veðbólgu, eignabólur, peningaprentun og þennslu, efnahagshrun, gjaldeyrishöft aðra ósækilega eftirmála hagstjórnarinnar.

Fréttamiðlar og áhrifafólk í samfélaginu hafa reglulega frá haustmánuðum 2008 haldið uppi rökræðu um upptöku annara mynta en íslensku krónunar. Helst hefur verið rætt um upptöku:

  • Evru
  • Kanada dollars
  • Norsku krónunnar
  • Bandaríska dollarinn
  • Auroracoin
  • Bitcoin
  • Ný krónu, Lilju Mósesdóttur

Helsti kostur Auroracoin er að bankar, Seðlabankinn og stjórnmálamenn geta ekki átt við myntina, myntsláttinn, upplag myntarinnar, greiðslumiðlunarnetið né komið á gjaldeyrishöftum. Myntin er því sem næst verðbólgulaus, en myntslætti er stýrt af algórithma, sem greiðir fyrir greiðsluhirðingu og öryggi myntarinnar. Þar að auki kosta millifærslur einungis brot af kostnaði við kreditkorta eða debitkorta millifærslur.

Íslenska þjóðin er einhver sú netvæddasta í heiminum. Mjög hátt hlutfall einstaklinga í samfélaginu hafa daglega aðgang að tölvu og interneti, sem er grunnforsenda fyrir Auroracoin. 3g og 4g netkerfi ná yfir flest alla þéttbýliskjarna landsins auk þess sem Ísland er eitt af þeim löndum sem snjallsímaeign er hvað algengust. Auk þessa hentar landið mjög vel til námuvinnslu á netgjaldmiðlum, þar sem ofgnótt er af ódýrri orku og köldu lofslagi, sem gerir námuvinnslu hagkvæma. Þess ber að geta að Landsvirkjun og aðrir raforkusalar á Íslandi selja nú þegar  um eða yfir 10 MW af rafmagni til Bitcoin námuvinnslu og hefur mikil uppbygging á gagnaverum átt sér stað á Suðurnesjum.

Af hverju Auroracoin en ekki Bitcoin? Helstu ástæðurnar felast í því að á Íslandi eru gjaldeyrishöft, sem hamla Íslendingum að kaupa erlendan gjaldmiðil, t.d. USD, sem þarf til að kaupa Bitcoin. Íslendingar geta hafið Bitcoin námuvinnslu og hafið samkeppni við erlenda aðila sem stunda námuvinnslu. Slík aðgerð tæki langan tíma og myndi skila fáum Bitcoin til Íslands, þar sem samkeppnin í námuvinnslunni er ógurleg.

Kostir þess að nýta Auroracoin er að yfir 10% Íslendinga hafa þegið Auroracoin að gjöf og því þarf ekki að kaupa gjaldeyrir eða komast framhjá gjaldeyrishöftum til að taka upp þessa nýju mynt. Annar kostur þess að Auroracoin var gefin í umferð er að dreifing myntarinnar er mjög jöfn meðal landsmanna ólíkt t.d. Bitcoin, þar sem fáir erlendir aðilar eiga mjög mikið af myntinni en meginþorri notenda á einungis örfáar einingar.

Netgjaldmiðlar eins og Auroracoin og Bitcoin er ný tækni, sem mun auka samkeppni á fjármálamarkaði og getur Ísland orðið fyrsta þjóðin til að nýta þessa nýju tækni sér til framdráttar. Engar væntingar eru um að Auroracoin muni skipta krónunni út á skömmum tíma. Auroracoin muni hægt og rólega keppa við krónuna og með tíð og tíma skapa það traust, sem þarf til að verða raunverulegur valkostur við hlið krónunnar.

.

Comments are closed.